img:hover { position: relative; top: 1px; left: 1px; } အောင်မျိုးထွန်း Blog မှ ကြိုဆိုပါ၏။: မမတမ်းချင်း

မမတမ်းချင်း

Labels:

မမတမ်းချင်း
Monday, February 2nd, 2009


မရဲ့ မျက်လုံး မအပြုံးမှာ

ရှုံးနိမ့် ပျော်ဝင်

မုန်တိုင်းဆင်သည်

ရင်ခွင်တုန်ဟီး လှုပ်ခတ်၏။



မရဲ့ ခြေလှမ်း မနှုတ်ခမ်းမှာ

အလွမ်းတွေပို

ပန်းတွေငိုသည်

သေဆိုလျှင်လည်း သေ၀ံ့၏။



မစိတ်မရွှင် မငြိုငြင်လို့ 

အမြင်မရိုး

မျက်စောင်းထိုးမှာ

အတ္တကမ်းရိုး ပြိုခဲ့၏။



မနားမှာနေ မစေရာသွား

မလာရာမျှော်

စိတ်မှန်းပျော်ပြီး

အိပ်မက်နန်းတော် ဆောက်ခဲ့ ၏။



မခြေဖ၀ါး ဖိနပ်ကြားမှာ

ဝပ်တွားခယ ကတ္တီပါစလို

ငြိမ်သက်ဝပ်သေ နေခဲ့ ၏။



မမျက်လွှာကြား မရဲ့ ပါးမှာ

သနပ်ခါးတင်

နံသာမြင်လို့ 

ရင်မှာ ခိုးပြီးရှိုက်မိ၏။



မနားမှာဝေ လိပ်ပြတွေကြောင့်

စိတ်တွေမှောက်မှား

သောကပွားအောင်

ထိပ်ထားမမ လုပ်တတ်၏။



မရဲ့ အလွမ်း မအနမ်းကို

မှန်းဆပုံဖော်

အပျော်လွန်လို့ 

နွံနစ်သော်လည်း မရုံးခဲ့ ပြီ။



မကိုလွမ်းရင် မျှော်တိုင်းမြင်လို့ 

သံယောဇဉ်နွယ်

အမြစ်တွယ်ကာ

ဆယ်သက်ဆယ်ကမ္ဘာ ချစ်တော့မည်။



မနဲ့ အတွေ့  မအရှေ့ မှာ

အသက်ငွေ့ ပျောက်

အာရုံနောက်လို့ 

မရဲ့ ရှေ့ မှောက်ဒူးထောက်မည်။



မရဲ့ ရင်ခွင် ချစ်ဥယာဉ်မှာ

ဝေဆာပွင့်ဖူး

ပန်းနုလှလှ

ထိုဘ၀ကို ရလို သည်။



မနဲ့ အဝေး ခဏလေးမှာ

အတွေးဓါတ်ပျက်

အအိပ်ခက်ပြီ

နံနက်တိုင်းလည်း မျှော်မိသည်။



မရဲ့ လူမိုက် မအကြိုက်အတွက်

ဆက်တိုက်ကြိုးစား

လူမြင်မှားအောင်

လိမ္မာရေးခြားရှိခဲ့ပြီ ။



မပျော်ပါစေ တောင်းဆုခြွေဖို့ 

စေတီင်္ဘုရား

နေ့ တိုင်းသွားကာ

ဘာသာတစ်ရား ကိုင်းရှိုင်းမည်။



မဘ၀င်ခိုက် ဂုဏ်ယူထိုက်အောင်

အမိုက်အမှား

ဖယ်ရှောင်ရှားလို့ 

စိတ်ထားကောင်းအောင် ကြိုးစားမည်။



မဥပက္ခာမကြင်နာလို့ 

ရင်မှာဖြေလျော့ 

ငိုမိတော့သည်

လေပြေအသော့မှာ ကြွေတော့၏။



အတွေ့ အိပ်မက် ရောင်စဉ်ပျက်လို့ 

အိပ်မက်တွေခမ်း

စိတ်ကူးပန်းလည်း

မနွမ်းခင်က ကြွေခဲ့ပြီ။



မရဲ့ သစ္စာ အကြင်နာကို

ခဏတာရ

သည်ဘ၀မှာ

မသေချာလာကြည့် အမျက်မရှိပြီ

သေရာပါထိ ဆက်ချစ်မည်။

0 comments:

Post a Comment

Subscribe to: Post Comments (Atom)